од -
сире
-
прил.
Од ялгат мушендат — сиретнень эздовок тят тушенда. Од ялгадот хоть сяда — сиретнень тяйть када. Од пингсь ётай лиезь, сире пингсь молезь-тиезь (Мордовские пословицы, присловицы и поговорки, 120, 122)
Аньцек од правать илятольхть эрямань закононза — тарксезень валом-валом сире койть унксонзон. Юрнек (М. Бебан, Шить мархта вихцок, 154)
Хоть од ялгада муть кафта, / Сире ялгать тяк юмафта. / Сире ялгась — сире эшись, / Эздот козяшинц афкяшсы (Ф. Костяйкин, Вармада вишкан, 34)
Алязе сире лампать кандозе тоза (баняв), а куду повфтась од (Г. Пинясов, Кочкаф произведеният, 2-це т., 233)
Атя валсь тейнза (Николай Семёновиченди) кати-кода аф пяк ладясь нинге. Аньцек моцьке сакалоц и шарженза тиендезь сонь сиренякс, а шамац одоннекс якстерель… (М. Бебан, Шить мархта вихцок, 174)
Перьфпяле музыка, ломаттне весялат — прважасазь Сире кизоть и васьфнесазь Одть, а монь седисон сёксень шобда ве (Ю. Кузнецов, Сёксень пизелхт, 225)
— Аряда озседа, — тердезень сембонь Людмила Карповна… — Васенда прважасаськ Сире кизоть, а меле васьфтьсаськ Одть (Ф. Пьянзин, Васедемат, 89)
Одонь тев колендема содай, сирень сельме — ваноманц (М. Бебан, Шить мархта вихцок, 25)
-
сущ.
Одсь лафча ёньца, сиресь — шумбрашиса (Валмуворкс)
Сиреть ёнец одти вий максы (УПТМН, 7-це т., ч. 1, 376)
Одть ваксс арафтозь ни Сорокин Колять, сирети максозь Сенькать (Ф. Атянин, Мзярда кенерихть марьхне, 75)
Сиретне эрь ётаф шить мархта сяда лац шарьхкотькшнесазь: пингта ляткшни сяда кржа и кржа, а оттне нинге аф содасазь, што эрь шись синь вятьсыне сяда малав сиредемати… (Ф. Пьянзин, Васедемат, 111)
А меленцять перьф жалф. … Азондыхть баснят, рахсихть фкя-фкянь лангса. Нят сяда однятне. А сяда сиренятне эряфть квалма калякондайхть… (Н. Учватов, Сргозема, 92)
Ёмлатнень вадерязень (Шаржай) кядьлапшса пряснон, оттнень лафтус путнезе кяденц, сяда сиретнень пилес кати-мезе тошкась (Г. Пинясов, Кочкаф произведеният, 2-це т., 11)
