оцю -
ёмла
-
прил.
…Природась казезе сонь (официанткать) мазышиса: стройнай ронгоня, серес аф оцю и афи ёмла (эхянь вчёк), шалхкоц виденя… шяяренза равчт, тустт… а сельмонза…сельмонза сенепт, кода кафта сенем панчфкат. [Микалай — пинень оцюняти]: — Оцю пост теть доверили. А мондине, корхтай, ёмлат мзярдонга не доверяли… (М. Бебан, Шить мархта вихцок, 8, 118)
Тяфта пичефкссь ёмла пичефкаста / Арай оцюкс, кев прокс лангозт прай. / Тяфта ёмла пичефкссь оцюкс касы, сталмонц мархта седицень люпштай (В. Кригин, А. Мезякаев, М. Моисеев, Эшиня, 29)
Васток-васток кассть сянгяря куст: финцне оцюфт ни, омбонцне фкя лаца ёмланят, — улема озафтозь аф пяк кунара. Сон (Вера) кельголезе эсь лангозонза ванондоманц ширде, бта лиянь сельмоса. Мезе мле, шамац кода шама. Шалхкоц аф оцю, аф ёмла — цють горбоськотф… Содазе стирьхнень мяльс сон тушенды (Ю. Кузнецов, Коряй пайгонят, 120, 121)
Ся Шись пяшксель кодама-повсь тевда, оцюда и ёмлада, а главнайсь — павазда… (Ю. Кузнецов, Сёксень пизелхт, 131)
Планне монь оцюфт, Иван Петрович, — …мярьгсь Стрелков… Но базазе ёмла. Оцю тев аш мезьста ушедомс. Аф кеподеви (М. Кяшкин, Цёфксне морайхть, 69)
Калхне, оцюфне и ёмлатне, стаки шлёпиесть берякти, эздост арсесь сяда и сяда лама (П. Вельматов, Томбать трваса, 29)
[Кривцов]: — Мес аф проверсемс ломаттнень эрь шинь тевса, оцюса и ёмласа… (Г. Пинясов, Кочкаф произведеният, 1-це т., 256)
-
сущ.
Ушедат ёмласта — пачкодят оцюти (Мордовские пословицы, присловицы и поговорки, 165)
Сонь тиезь оцюнь и ёмлань келеса… (С. Самошкин, Эряфть юроц, 13)
…Сонцень соколонза бабать лийкстасть кие коза: оцюсь границать лангса служай, лядсь сверхсрочнайкс. Ёмлась од стройкас тусь (Ф. Атянин, Мзярда кенерихть марьхне, 80)
…Кафта сазоронза (Елена Степановнань), сондедонза оцюсь и сондедонза ёмлась, кунара ни лисьфт рьвакс… (Ю. Кузнецов, Сёксень пизелхт, 104)
Тоса (буфетса) ярхцсихть-симондихть райононь оцюнятне (мярьгомс, аф сяшкава ни оцюфне, но афи ёмлатне), сят — кинь мельге положена якамс) колхозонь прятне, областьста или сядонга ичкозде саф командированнайхне (Ю. Кузнецов, Сембось ушеткшни киста, 73)
