праздник -
стакши
-
— Тонь кодама праздникце, Вара? Тячи, никак, стакши? — мярьгсь сон (Пяштяльмов) мекпяли. [Кочетков]: — Мон, тинць содасасть, велеряйхть, семейказень мархта урафнян колхозса, аф содан аф стакши, аф праздникши (М. Бебан, Тундань нармотть, 112, 20)
Шитне нинге лямботольхть и манихтельхть, да няевсть ни аф праздниконнекс, кода тунда али киза кучкать, а стакшиннекс, скучнайкс (М. Бебан, Якстерь жаворонканят, 36)
Ашель праздник, ашель стакши: / Ламоль тевдонза Чифнань (А. Малькин, Кочкаф произведеният, 156)
…Афранди рамасть кафонц кямот: стакшинди и праздниконди (Е. Тимошкин, Маря, 76)
Эряви маштомс работама стакшиста, эста праздникневок улихть сяда весялат (Г. Пинясов, Сембода лямбе берякти, 130)
Праздниконди ульсть (Кучкань Кузьмать) кямонза, стакшинди — каренза (Г. Пинясов, Кочкаф произведеният, 1-це т., 181)
…Мон васенцеда сонь (Надять) няине аф праздникшиня, мзярда стирьхне пажезь-панжихть, а стакшиня, работамстонза. Но сянкса стане мяльс туфокс! (И. Кишняков, Эряф, 54)
Мару… абондсь, коданга аф смекави, мезень стамсь праздник мусь васеньболац стакшиня… (М. Бебан, Шить мархта вихцок, 158)
Стирьхне, од аватне лангозост щасть праздникшинь панархт, наряжасть килькшсса, сюлгамса, крганяса… Ёфси аф ламос ащезь алятне и цёратне мрдасть меки, лангсост стакшинь панархт… (Т. Кирдяшкин, Кели Мокша, 142)
Артюшкинонь валонзон коряс стакшинь и праздникшинь кшить таньфсновок лият. Катк праздниконнесь сяда рястаф, сяда мазы, но стакшиннесь маряви танцтиста. Сяс мес ломанць озай шрать ваксс сизефста (Г. Пинясов, Ялгане и содафоне, 211)
