цебярь -
кальдяв
-
прил.
Пара, кда сёрмады (Писательсь) цебярь ломанень кувалма. Но вдь ломаттнень ёткса — и тянь сон содасы лац — аф кржа кальдявдонга. Алясь алять эса сяда кржа няи, чем авась алять эса. Кода цебярь ширде, стане и кальдявда. Ломанць мяндеви и синневи аф аньцек кальдяв эряфти, но и вельф цебяртивок. Сон кармай марямонза, што пяк цебярсь мзярда-мзярда аделави. И аделави кальдявста… (Ю. Кузнецов, Кемонь шит июльста, 5, 17, 99)
Тячемс мяштьсонза (Марянь) валда, кайги праздникокс эряй ся, кода тунда, кизонда, сёксенда и тялонда, цебярь и кальдяв погодаста, тя исать алува учсезе, васьфнезе Трифон… (Е. Тимошкин, Маря, 72)
[Постниковсь]: — Эряфсь, Саша, стама штукась, кона няфнесыне ломанти сембе ширензон: и цебярьхнень, и кальдяфнень. Аньцек ломанць сонць кой-коста аф шарьхкотькшнесы, кона ширеса ащи (Ю. Кузнецов, Сёксень пизелхт, 215)
-
сущ.
Цебярть инкса якама, а кальдявсь сонць сай. Кальдявть ашить сода (няе), цебяртьке аф шарьхкодьсак. Кальдявфтома аш цебярь, а цебярьфтома аш кальдяв (Мордовские пословицы, присловицы и поговорки, 167, 168, 170)
Аф фкат ломаттне светть лангса. Фкясь тии народти цебярь, а омбоцесь — кальдяв (Я. Пинясов, Акша орнят, 52)
Сёксень и тялонь кувака ветнень сидеста арьсекшнесть (атясь и бабась) ётаф эряфснон колга, мяльса ункснезь, мезьда эсонза сяда ламоль — цебярьда и кальдявда (Г. Пинясов, Вирявань руця, 18)
…Ломаттнень ёткса … аф кржа кальдявдонга. Да и фкя и сяка ломанть эсовок кой-коста сембось шоряф: архт шарьхкотьк, коса цебярец, коса кальдявоц, — ломаттне фкя лаца мзярдовок аф улендихть (Ю. Кузнецов, Кемонь шит июльста, 5)
