эвондамс -
юмамс
-
Электрикне коса-бди петнесть линиять эса, и сяс энергиясь то эвондакшнесь, то меки юмсесь (Ф. Пьянзин, Васедемат, 121)
…Мезське ашезь полафта мирса. Аньцек сязевсь фкя кати-кодама соткс, кона мзярдовок аф сюлмави. …Эряфса фалу вдь лопиихть ня аф няеви сотксне, вастозост эвондакшнихть отт, юмсихть сятка — и кодави, кодави эряфть котфоц, конань аш ушетксоц, аш пец (Ю. Кузнецов, Сембось ушеткшни киста, 24)
Сельминголенза (Юрать)… општыесть Саранскяйть толонза, эвондакшнесь и юмсесь Людать шамац. Морять мяштева волнатне нюрясть, люкасть, и мзярда васетькшнесть фкя-фкянь мархта, прясост эвондакшнесть акша вазьнят. Синь мзярс уйсть волнатнень копорьсост, но пингонь ётазь стане жа курокста солсесть-юмсесть, кода и эвондасть (Г. Пинясов, Кочкаф произведеният, 1-це т., 351, 380)
Юмась трвастонза (Марянь) весяла пеетьфкясь… Юхман Иван вадердазень сурксокс ащи шяярензон. …Покаряв шамац валдомсь, пайготьф трванзонды эвондась пеетьфкя (Е. Тимошкин, Маря, 53, 84)
Ичкозе менельса валом-валом эвондасть акша коволхт. Синь уйсть вярьге, кати-ков юмсесть и мельгаст меки сенемготкшнесь менельсь (Ю. Кузнецов, Сёксень пизелхт, 40)
