алдо -
верде
-
ваномс алдо — ваномс верде
неемс алдо — неемс верде
Виде. Тюсост (пельтнень) полавтневи. Те мода лангсто, алдо ванозь. Кодамот сынь, варштындерят верде, самолётсо ливтямсто? (Нуянь Видяз, Иень тюст, 141)
Лопанзо (Одава лопанть) верде кельмть, алдо — седе чевть ды лембть (Нуянь Видяз, Иень тюст, 25)
Чинть прядовома ланга неть нармунтне (повотне) пуромить яла ве чувто пряс ды ёртовить верде, чопавтезь чопавтить ловонтень — прянек-пулонек кекшевемс… Тонат (лия повотне) — ли-бор! алдо, ды — чувто пряс… (М. Брыжинский, Кочказь произведеният, 1-це т., 412)
Неть палманнетне теезь мазыйстэ, алдо ды верде эчкть, куншка видесь човине (К. Абрамов, Пургаз, 155)
Вентень кепететсь виев варма. Ловось пры вердеяк, кандови алдояк (К. Абрамов, Пургаз, 110)
Косто-бути верде ды алдо моли певтеме чикордома-цятордома, шкань-шкань истя виевстэ, мерят, те сэрейдеяк сэрей кудо-богатыресь янгави-лондады (П. Ключагин, Аниськат, 13)
Сон (псись) мольсь эрьва ёндо: вердеяк, алдояк, пицезь пицесь весе рунгонзо (Максимень) (М. Брыжинский, Кочказь произведеният, 2-це т., 320)
