валгомс -
лисемс
-
чись валгсь — чись лиссь
курок валгомс — курок лисемс
Чизэ лиси, чизэ валги, / Чизэ яки менельга (УПТМН, 5-це т., 210)
Вирьга яксезь, кавто ялгатне натой стувтызь, зняроксть лиснесь ды валгонесь чизэ (К. Абрамов, Пургаз, 39)
Те пшкадемадонть мейле вандорасто чувозь певанть калмонтень валгсь Арзамас, конань сеедьстэ кочксекшнить канонь озатякс: парсте содасынзе койтнень-кирдатнень ды ёнсто ветякшны озкстнэнь… Зярдо весе эрявиксэсь вачказель таркаванзо ды вельтязель керьсэ, Арзамас лиссь латкстонть, ды калмонть вализь (М. Брыжинский, Кочказь произведеният, 1-це т., 302)
Кона ёнов чизэ валги — / Ашолт молить умарензэ. / Кона пельде чизэ лиси — / Якстерть молить умарензэ (Масторава, 124)
— Свадьбастонок, ледстневи, ламот ёвтызь секе жо валтнэнь: кинь марто чизэ лиссь, сень марто валгозояк (М. Брыжинский, Кочказь произведеният, 2-це т., 69)
