вить -
керш
-
вить кедь — керш кедь
вить сёлмо — керш сёлмо
Саят (ярмак) вить кедьсэ, максат кершкесэ (УПТМН, 4-це т., 1-це кн., 140)
Те эрямо таркась мольсь покш нупаль ёнов; керш стенасонть — Византиясто рамазь валдо сляника марто сэрей вальмат, витьсэнть — эрьва кодамо пежетте идиця крестнэ (А. Доронин, Баягань сулейть, 7)
То вить ёндо ары (Кечай) тензэ, то керш ёндо, то кутьмерензэ велявтсы толонть пелев (М. Брыжинский, Кочказь произведеният, 1-це т., 331)
Тон тук цёратнень марто аламодо витев, — мерсь Сырезнень Тюгай. — Мон кадовикстнэнь марто карман молеме керш пельде… (К. Абрамов, Пургаз, 435)
Вейкень (фронтсто сыцятнень), шкадо икеле сыцятнестэ, вить пильгезэ арась, омбоцень — кершесь, колмоцень... (Нуянь Видяз, Ванине, 174)
Керш ёнга — теле лангс соказь пакся, вить ёнга — латко (Нуянь Видяз, Иень тюст, 122)
Сон (Фёдоронь Таня) варштась-тейсь пертьпельга, витизе-петизе оршамканзо ды апак капша сыргась теинька, тувонарсо ацазь янганть, кона ветясь эйсэнзэ алов вить пеле човор виренть ды керш ёно розенть юткова (П. Ключагин, Аниськат, 7)
