ёвкстамс -
таргамс
-
ёвкстамс кедь зепес — таргамс кедь зепестэ
ёвкстамс книганть потмар удалов — таргамс книганть потмар удалдо
Зярдо улавось тусь ортанть эйстэ васов, Пургаз таргинзе питерьстэнть Миянзанень рамазь казнетнень. Пилекстнэнь сонсь поводинзе тейтеренть пилес, сэнь кевне мартосырнень сурксонть ёвкстызе сурозонзо (К. Абрамов, Пургаз, 194)
Столенть пурнамодо мейле Каль таргизе човамо кевензэ ды озась пеелензэ човамо. Окойники, оржаксонь пштичись тусь мелезэнзэ. Ёвкстызе човамо кевенть истя жо кескавозонзо, пееленть поводизе мекев карксозонзо (М. Брыжинский, Кочказь произведеният 1-це т., 35)
Мейле ёвкстызе (Широмас) кедензэ ундонтень, сокаринзе тосо коське лопатнень ды таргизе сень, мезень кисэ сакшнось тей истямо шкасто (М. Брыжинский, Кочказь произведеният 1-це т., 337)
Куляс венч потмаксстонть саинзе милетнень, ёвкстынзе венч пилетненень ды озавтызе миледеме Сярдонь… Сон (Куляс) невтсь лейчирестэнть пижелдыця ведь ланго тарка, ды кода Сярдо панизе венченть тов, таргизе зепстэнзэ цёрынентень содавикс ульманть: кечказ ды ульма суре (М. Брыжинский, Кочказь произведеният 1-це т., 394)
