икельде -
удалдо
-
нареч.
каятомс икельде — каятомс удалдо
каявомс икельде — каявомс удалдо
Кайсевсь лангозост (Пургазонь ушмотнень лангс) икеле пельде, удалдо, чить, веть, зярдо кода савиль (К. Абрамов, Пургаз, 443)
Лиясто алкукскак каявить (кискатне) овтонть лангс, сусксызь, поводевить эйзэнзэ, раздить, но — удалдо. Икельде а эцить (М. Брыжинский, Кочказь произведеният, 1-це т., 429)
Шпагасонть керизе (Эсташ Лансияк) коштонть икельде ды удалдо, палызе пшти лезанзо (А. Доронин, Баягань сулейть, 371)
Кить-бути, стакасто лексезь, удалдо ды икельде ардсть (А. Доронин, Баягань сулейть, 309)
-
вальмельг.
сыргамс кудонть икельде — варштамс кудонть удалдо
туемс кенкшенть икельде — варштамс кенкшенть удалдо
Вана ношкстасть сельмем икельде пичетне ды састь тарказост килейть… — Марят, морыть? — каятотсь кутьмерем удалдо авань соланя вайгель (Нуянь Видяз, Иень тюст, 9 — 10)
Кудонтъ удалдо каяви алашань паркстнема (В. Брыжинский, Каргонь Кинь ломанть, 156)
Наталя лиси каштом икельде, варшты вариневанть (В. Брыжинский, Каргонь Кинь ломанть, 295)
