конямс -
панжомс
-
конямс сельметнень — панжомс сельметнень
конямс аламодо — панжомс келес
Тюгай конинзе сельмензэ, тандадозь учось, нейке керясызь… Зярдо панжинзе сельмензэ, монголонть неизе лишменть лангсто празь, кирьгасонзо тарнось нал (К. Абрамов, Пургаз, 411)
Те тонь сельметь сизесть. Кувать панжадо кирдить. Васня бу эрявольть конямс… Мейле друк панжомс (В. Брыжинский, Каргонь Кинь ломанть, 125)
Сельмень панжсынь — прамодо лоткан, конясынь — таго секесь жо (В. Брыжинский, Каргонь Кинь ломанть, 13)
Конинь сельмем, ды теевсь икелем тикше ледема шкань неявкс: карксамга парсейкс лымбиця тикше; пелюмасост аволиця цёрат; ашо пацясо, ве ёндо локсейкс неявиця ават… Кепедия прям, панжинь сельмень (Нуянь Видяз, Иень тюст, 117)
Зярдо сизезь Вияна аламос конякшнынзе сельмензэ ды энгамокшнось (паряк, сутямсь? — арсесь Наруш), таргизе ёразь пееленть ды ёжомарязь, вейтень-вейтень черь кармась керямо тейтеренть прянь ве бокастонть сёралтнэнь… Тейтересь панжинзе сельмензэ, токизе пря боканзо ды буто ансяк ней редизе теезенть (М. Брыжинский, Кочказь произведеният, 1-це т., 451)
