сеедьстэ -
чуросто
-
ардтнемс велев сеедьстэ — ардтнемс ошов чуросто
путомс чурьканть сеедьстэ — путомс чурьканть чуросто
Васня пивсэматне тёкаесть чуросто, мейле седе сеедьстэ, сеедьстэ, саевезь лувсо (Нуянь Видяз, Тесэ ды Тосо, 253)
Ды тусь шожда киява (Лёса) — копорямо. Васня чуросто-весть — ярсамо молезэ, мейле седе сеедьстэ (Нуянь Видяз, Ванине, 169)
Банзай (истямоль кисканть лемезэ) гавкстнезевсь. Васня састо, чуросто, мейле седе марявиксстэ… Учан... Вана таго каятотсь. Ней уш истя гайтевстэ ды сеедьстэ, мерят, теке вадов капшазь ливтясь виренть велькска монь пелев (П. Ключагин, Цёканька, 56)
Ней велестэ эли веле ёнов сталмонь ускиця машина чуросто неят. Аволь келей те киванть седе сеедьстэ «эвтить» эрьва кодамо маркань ды тюсонь шождакайть, кой-зярдо — «автолавкат» (Нуянь Видяз, Янгамо, 236)
— Ледстнемат, ледстнемат... — эль марявикстэ ды арсезь мерсь Оля, — мекс, видеяк, истя сеедьстэ ледстнетяно исень читнеде? Мекс чуросто кортнекшнетяно валскень чиденть? (Нуянь Видяз, Иень тюст, 130)
